२९ जेठ, अर्घाखाँची: अर्घाखाँचीमा टिप्पर दुर्घटना हुँदा एकजनाको मृत्यु भएको छ । जिल्लाको छत्रदेव गाउँपालिका ७ देउराली स्थित तम्घास भित्रि सडकमा सोमबार राती ९ बजेर ४५ मिनेटको समयमा ना ८ ख ६६४४ नम्बरको टिपर सडकबाट करिव ७० मिटर तल खसेको हो ।
दुर्घटनामा परी टिप्पर चालक सन्धीखर्क ८ खाँचीका २६ बर्षिया रामलाल पुरीको मृत्यु भएको जिल्ला प्रहरी कार्यालय गुल्मीले जानकारी दिएको छ । दुर्घटनामा घाईते भएका पुरीको उपचारका क्रममा जिल्ला अस्पताल गुल्मीमा मृत्यु भएको प्रहरीले जनाएको छ ।
दुर्घटनामा परि २ जना घाईते भएका छन् । घाईतेहरु सन्धीखर्क नगरपालिका ७ का ३३ बर्षिया रिसभ केसी र शीतगंगा नगरपालिका २ का २९ बर्षिया नविन घिमिरे रहेका छन् । दुवै जनको लुम्विनी मेडिकल कलेज पाल्पामा उपचार भैरहेको जिल्ला प्रहरी कार्यालय गुल्मीका सुचना अधिकारी शंकर पोखरेलले जानकारी दिनुभयो ।
लेखकको बारेमा
प्रतिक्रिया