१ कार्तिक, गैँडाकोट : गैँडाकोटमा लायन्स क्लब अफ बागेश्वरी डाइनामिकले कार्तिक १० गते ‘डायनामिक साँझ एवं वृहत सांस्कृतिक कार्यक्रम २०८१’ गर्ने भएको छ ।
क्यान्सर पीडित बालबालिकाका लागि सहयोगार्थ यही कार्तिक १० गते शनिबारका दिन डायनामिक साँझ २०८१ गर्न लागिएको क्लबका अध्यक्ष रोशन मल्ल ठकुरीले जानकारी दिनुभयो । बिहीबार छिमेकी क्लबका प्रतिनिधिसँग अन्तरक्रिया एवं पत्रकार सम्मेलन गरी सो बारे जानकारी गराइएको थियो ।
‘डायनामिक साँझ एवं बृहत सांस्कृतिक कार्यक्रम २०८१’ मा अमर बिरही गुरुङ, अर्जुन सापकोटा, श्याम राना र दुर्गा सापकोटा लगायत ख्याति प्राप्त कलाकारहरूको प्रस्तुति रहने जनाइएको छ । कार्यक्रम गैडाकोट १ मा रहेको होटल ताज महलमा हुने र कार्यक्रममा प्रवेश शुल्क १ हजार तोकिएको छ ।
लेखकको बारेमा
प्रतिक्रिया